En 4º curso de Primaria estamos a traballar A Mota de Pó, de Fernando Palacios. Escoitando a audición temos descuberto que os instrumentos de vento - metal representan ás plantas carnívoras. Pero.... que sabemos destes instrumentos? Neste post aprenderemos algunhas curiosidades acerca deles.
Os instrumentos que forman parte desta familia presentan unhas características similares:
- están construídos en metal;
- están enrollados sobre si mesmos;
- a embocadura ten forma de copa;
- rematan nunha grande campá, chamada pavillón;
- teñen un son estridente;
- a vibración é producida polos beizos do instrumentista.
A altura do son ven dada pola lonxitude do tubo: canto máis longo é o tubo, o son é máis grave; canto máis curto, o son será máis agudo. A lonxitude do tubo modifícase cun sistema de pistóns ou válvulas. Neste enlace podes comprobar o efecto que producen as válvulas.
O único aerófono de vento - metal que carece de pistóns é o trombón de varas. Neste instrumento, a lonxitude do instrumento modifícase coa posición da vara, que se pode alongar ou acurtar, producindo un efecto chamado glissando. Neste enlace comprabarás como funciona este instrumento.
O timbre destes instrumentos pode modificarse, tamén, empregando unha especie de tapón que se coloca na campá, e que recibe o nome de sordina.
A familia do vento - metal está integrada por catro instrumentos que, de agudo a grave son: a trompeta, a trompa, o trombón e a tuba.
No hay comentarios:
Publicar un comentario