miércoles, 24 de abril de 2013

COÑECENDO O ÓBOE



É o instrumento que fai de pato en Pedro e o Lobo.

Sergei Prokofiev elixiu con moito acerto o óboe para representar ó personaxe do pato. Por que...? Pois porque, coma os patos, o óboe ten un son moi nasal.


O óboe é un instrumento de vento - madeira que se compón dun tubo cónico rematado nunha pequena campá. Tras a frauta traveseira, é o instrumento máis agudo da familia. 

O característico son nasal do óboe é producido polo seu tipo de embocadura: unha lingüeta de cana dobre. 

Con este vídeo comprenderás mellor o que é unha lingüeta dobre. 




Neste enlace poderás ver unha animación sobre como se monta a lingüeta do óboe. 

Outro instrumento de lingüeta dobre é o fagot (que é o instrumento máis grave da familia de vento - madeira). 

Antes de comezar a tocar unha orquestra, o óboe da a nota LA, que é retomada polo primeiro violín. A partir deste son afínanse todos os instrumentos. 

Escoita esta peza composta por Ennio Morricone para a película A Misión. Está interpretada pola Orquestra Sinfonietta di Roma, e dirixida polo propio compositor. O oboísta é Carlo Romano