viernes, 30 de diciembre de 2016

MELLORANDO A EXPRESIVIDADE DOS NOSOS POEMAS


En 5º curso de Primaria.

Durante o primeiro trimestre, en 5º curso de Primaria estivemos a traballar as calidades do son. A dinámica, que mellora a expresividade dunha obra musical, emprega como estratexia os cambios de intensidade.

Para traballar esta decidimos facelo recitando dous poemas relacionados coa estación do ano que estabamos a vivir: o Outono.

En 5º A eliximos este poema do que descoñecemos o autor:

Nas noites de outono anda o vento ás ceibas. 
Acochádevos todos. Zoa a carballeira!

As pobres castañas pingan en ringleira. 
Preparade as cestas. Zoa a castiñeira!

Nas noites de outono, detrás da lareira, 
facemos magostos e contamos lendas. 



En 5º B traballamos sobre un poema de Antonio Rubio, titulado Novembro (recollido no libro Almanaque musical, en Kalandraka):

Crepitan as notas, 
resoan ardendo;
parece que entoan:
xa chegou novembro!

E treme na rúa
o frío invernal, 
soñan os meniños
contos musicais. 

A orquestra de corda
recibe o inverno
cunha Melodía
de magosto lento. 


Como vedes, os poemas aparecen enriquecidos con efectos musicais. Estes están descargados do Banco de Imaxes e Sons do INTEF

lunes, 19 de diciembre de 2016

BUSCANDO MÚSICAS E EFECTOS PARA O NOSO POEMA


Ou adornar un poema con efectos musicais. 

Durante o mes de novembro, en 5º curso de Primaria estivemos a traballar a intensidade do son cun par de poemas.

Agora queremos completar o traballo incorporando efectos e sons musicais.

Para iso imos empregar sons de uso libre. Nesta ocasión, traballaremos co Banco de Imaxes e Sons do INTEF.

Boa selección!

jueves, 15 de diciembre de 2016

ESQUEMATIZANDO AS TIPOLOXÍAS DA MÚSICA VOCAL



En 6º curso de Primaria

En días anteriores, en ambos os dous grupos de 6º estivemos a escoitar distintos fragmentos musicais interpretados por diferentes tipos de agrupacións vocais. Tras descubrir quen cantaba en cada un, dividímonos en grupos de traballo cooperativo. O noso obxectivo era crear, a partir da información proporcionada pola mestra, o noso mapa mental.







Aquí tedes algúns dos traballos realizados polo alumnado, empregando a app Popplet Lite. E se premedes neste enlace poderedes ver as fotos dos alumnos traballando.








lunes, 12 de diciembre de 2016

DISCRIMINANDO SONS FORTES E FEBLES



En Educación Infantil 5 anos. 

Durante este trimestre, nas aulas de 5 anos estivemos a traballar a intensidade do son. Se prememos na imaxe accederemos a un material multimedia do CNICE que pode servirnos como reforzo. 

sábado, 10 de diciembre de 2016

TOCAR, CANTAR E APRENDER

O que pode dar de si unha soa canción.

En 3º curso de Primaria estivemos a aprender unha canción titulada La orquesta. E con ela aprendimos moitísimo: ademais de repasar os grupos instrumentais da familia da percusión (madeira, metal e parche ou membrana) tamén traballamos a duración de tres figuras distintas: a negra, a corchea e a branca.

Descubrimos, pois, que os pandeiros van marcando negras, as caixas chinesas corcheas e os crótalos (que nós temos cambiado por triángulos por comodidade), brancas.

Aquí tedes ó grupo de 3º A, coa súa interpretación, gravada por un compañeiro: José Antonio.





Nestoutra aparecen os de 3º B. O cámara, nesta ocasión, foi Juan Carlos:




O difícil foi combinar o ritmo das tres familias para facer un efecto parecido ó mecanismo dun reloxo!


jueves, 8 de diciembre de 2016

ILUSTRA O TEU TRABALLO CON IMAXES LIBRES


Vivaldi en imaxes. 

Ata o de agora temos traballado con textos para investigar sobre Vivaldi. Pero estes textos mellorarán moitísimo se os acompañamos de imaxes. 

Sen embargo, non todas as imaxes que atopemos na Internet poden ser empregadas: algunhas delas teñen dono. 

Descarga imaxes destes dous sitios: 
  • Pixabay: aquí as imaxes son completamente libres, polo que non tes obriga de citalas. Escribe no buscador o nome das cidades onde naceu e morreu Vivaldi. Elixe as que prefiras e descárgaas no teu ordenador. Logo, abre o teu documento e insértaas no lugar do texto que che pareza máis axeitado. 
  • Wikimedia Commons: as imaxes deste sitio poden empregarse sempre que se citen. Escribe no buscador o apelido do compositor e elixe a imaxe que prefiras. Neste titorial tes toda a información sobre como facelo. 



Cando remates de maquetar o teu traballo, gárdao e compárteo a través do correo electrónico. 

jueves, 1 de diciembre de 2016

jueves, 24 de noviembre de 2016

LEMBRANDO A FREDDIE MERCURY


No 6º curso de Primaria.


Hoxe hai 25 anos que morreu Freddie Mercury. Por iso queremos facerlle unha homenaxe investigando sobre el. 

Naceu na illa de Zanzíbar o 5 de setembro de 1946. Zanzíbar está en África, pero daquela era unha colonia británica. 

O nome real de Freddie Mercury era Farrokh Bulsara. Este nome é de orixe parsi, e procede da zona de Bombai, no oeste da India, que tamén era unha colonia británica. 

Foi o cantante, fundador, vocalista e compositor da banda Queen. Tiña unha voz poderosa e unha posta en escena extravagante. 

A canción Barcelona, que cantou coa soprano Montserrat Caballé convertíuse no himno oficial dos Xogos Olímpicos de Barcelona de 1992. 

Morreu en Kensington (Londres) a consecuencia da SIDA, o 24 de novembro de 1991, só dous días despois de comunicar oficialmente que padecía a dita enfermidade. 


En 2006 a revista Time Asia nomeouno como un dos heroes asiáticos máis influíntes dos últimos 60 anos. E no 2005, foi considerado o mellor cantante masculino de todos os tempos. 

E como Freddie Mercury era un cantante camaleónico, deixámosvos con este vídeo onde comparte interpretación con toda unha diva da ópera: Montserrat Caballé. 



Imaxe: NICO7MARTIN. Freddie Mercury. En Flickr. CC BY

martes, 25 de octubre de 2016

A VENDIMA


Cantar e pensar.

Esta canción de Montse Sanuy servíunos para traballar varios conceptos musicais. Neste vídeo podedes lembralos.



sábado, 15 de octubre de 2016

lunes, 10 de octubre de 2016

A DANZA MACABRA


De Camille Saint - Saëns.

Achegándonos ó Samaín, en 5º curso de Primaria traballamos esta obra que se inspira nas danzas da morte da Idade Media.


martes, 4 de octubre de 2016

A VIAXE DO CARANGUEXIÑO




Tradución do conto de Velilla e Huidobro, recollido no libro Suena, suena, para iniciarse na altura do son.

lunes, 26 de septiembre de 2016

ANALIZANDO NA CAVERNA DO REI DA MONTAÑA




En 5º de Primaria. 

Despois de escoitar Na caverna do rei da montaña, chegamos, entre todos, a estas reflexións que agora reproducimos. 

martes, 13 de septiembre de 2016

A VIAXE DA BALEA




Tradución do conto de Velilla e Huidobro, recollido no libro Suena, suena, para iniciarse na altura do son. 

sábado, 25 de junio de 2016

AGASALLO DE FIN DE CURSO

Bernal toca para nós.

Teño o convencemento de que a educación é cousa de dous: a familia (a primeira escola) e a escola (a segunda familia). Cando todos estamos "afinados" á mesma frecuencia, as cousas funcionan.

Hoxe traemos este vídeo da última clase de 4º A. Bernal agasallounos tocando no xilófono dúas cancións. Isto non é obra miña, senón de Bernal e dos seus profes de Igualarte. Pero para el, e para nós, creo que ten sido moi importante establecer un vínculo entre o que ocurre dentro e fóra da escola; demostrar as súas habilidades diante dos seus compañeiros e que estes sexan quen de recoñecelas cun aprauso espontáneo.




Grazas, Bernal! Que agasallo tan fantástico!

COMPOÑENDO MÚSICAS PARA UN RAP


En 6º curso de Primaria.

Este curso, en 6º curso de Primaria estivemos a traballar sobre a cultura do hip-hop.

Despois de aprender Hoy tengo ganas de sonreír para celebrar o Día da Paz, os alumnos sentíronse moi interesados pola cultura urbana, polo que traballamos sobre ela e inventamos textos. A idea era crear as nosas propias composicións, aínda que o tempo, sempre inexorable, non nos permitíu rematar o noso soño. Sen embargo, nas últimas clases traballamos cos ipads e co programa Garage Band, creando os nosos arranxos instrumentais para un rap.

No seguinte enlace poderedes acceder á páxina de ivoox onde están aloxadas as composicións dos nosos alumnos:


No seguinte álbum podedes gozar do proceso creativo do noso alumnado. 


viernes, 24 de junio de 2016

CREANDO COMPOSICIÓNS AUDIOVISUAIS CON IMOVIE


No 5º curso de Primaria.

En posts anteriores mostráramos as composicións realizadas polo alumnado de empregando iMovie. Pero quedábanos pendente mostrarvos as imaxes que, sen palabras, nos falan do proceso creativo. Da xenio velos moverse polo colexio con tanta desenvoltura e decisión. Non credes?




E por si non vos lembrades dos traballos creados a partir desta actividade, aquí vos deixamos os enlaces:

jueves, 23 de junio de 2016

XOGANDO A COMPOÑER


No 1º curso de Primaria.

En relación co noso PDI Entre liñas anda o xogo, en 1º curso de Primaria estivemos a compoñer empregando os ipad. Para iso fixemos uso da app Musyc, na que a combinación de diversas figuras xeométricas permite compoñer un xogo de sons moi interesante. Aquí tendes dous dos resultados acadados:



E aquí están as imaxes dos rapaces en plena fase creativa:







miércoles, 22 de junio de 2016

CATRO CADROS, CATRO MÚSICAS


Recreando o noso Museo Xeométrico.

Rematamos a actividade realizada polo alumnado de 5º curso de Primaria empregando a cámara do ipad e iMovie. Estes son, pois, os catro vídeos que restaban.










martes, 21 de junio de 2016

MÁIS MÚSICAS PARA UN CADRO


Combiñando música e imaxe.

Continuamos coa temática iniciada no post anterior. Nesta ocasión, tres novos vídeos realizados tamén polo alumnado de 5º curso de Primaria, empregando iMovie.








lunes, 20 de junio de 2016

TRES MÚSICAS PARA TRES CADROS


Enredando música e imaxe. 

Completando o noso PDI Entre liñas anda o xogo, na clase de música quixemos facer a nosa aportación ofrecendo unha nova visión dos cadros creados polas diversas aulas para o noso Museo Xeométrico. Así, o traballo foi desenvolto polo alumnado de 5º de Primaria empregando os ipads.

O primeiro paso foi fotografar un dos cadros do museo. E logo, empregando a app iMovie, os diversos grupos crearon unha montaxe audiovisual. Xa que estabamos na clase de Música, tratábase de armonizar as transicións e os finais co discurso musical.

Aquí vos deixamos, polo intre, tres dos traballos. Algúns deles ben interesantes...!






lunes, 13 de junio de 2016

TRABALLAMOS COOPERATIVAMENTE NA AULA DE EDUCACIÓN MUSICAL


A partir de A Mota de Pó. 

Este curso, en 4º B de Primaria estivemos a traballar timidamente sobre A Mota de Pó, obra de Fernando Palacios. Aproveitamos a ocasión para iniciarnos no traballo cooperativo.

Así, despois de ler o primeiro fragmento, e seguindo a estrutura 1 - 2 - 4, tivemos que descubrir por grupos catro elementos necesarios para que existira música.

Unha vez seleccionadas as palabras  (silencio, nota, movemento, melodía) traballamos sobre elas, esta vez coa estrutura O xogo das palabras. Tratábase agora de achegarnos a unha definición de cada unha delas e de organizalas seguindo un criterio lóxico.

Por último, traballamos a elaboración de esquemas, coa estrutura Lápis ó centro, primeiro en papel, e logo cos ipads, empregando a app Popplet Life. Nas seguintes imaxes podedes ver como ós rapaces en plena faena.



E estes son os resultados da tarefa:






domingo, 5 de junio de 2016

A BANDA SONORA DUNHA EXPOSICIÓN



Co alumnado de 5º B.

Emulando a Modest Mussorgski, o alumnado de 5º B puxo banda sonora a algúns dos cadros da nosa exposición, seguindo o proceso explicado nun post anterior.

Nestas imaxes podedes velos traballando cos ipads, en pleno proceso creativo.




Agora, deixámosvos o resultado da súa tarefa.


miércoles, 1 de junio de 2016

CADROS PARA UNHA EXPOSICIÓN


Emulando a Mussorgski.

No colexio estamos a preparar a exposición final de proxecto. Na clase de Música, os nenos e nenas de 5º de Primaria imos emular a Mussorgski e á súa obra Cadros dunha exposición. Para iso seguiremos este procedemento:

    1. Observar detidamente a obra pictórica que temos que musicar. 
    2. Con que palabras definiríamos as sensacións que nos produce este cadro?
    3. Entramos no enlace coa selección previa de músicas.  (Todas elas están libres de dereitos).
    4. Eliximos a música que mellor acaia para o noso cadro.

Estas son as imaxes sobre as que traballaremos:


A árbore da vida


O falso espello


A ponte vermella


Composición en vermello, amarelo, azul e negro


Bailando por medo


Composición en vermello, amarelo e azul


Máscara 320


Recordos


Pez cantando

Fructíferas escoita e escolla!