Ler non é unha competencia exclusivamente vencellada coa clase de lingua; nin son letras o único que temos que ler. Por iso podemos dicir que, esta mañán, cos nenos e nenas de 1º e 2º, estivemos a ler... cine e música!
No marco do Festival Primavera do Cine, hoxe programouse unha actuación especialmente deseñada para o público infantil. Tratábase do espectáculo titulado Escoita, é cine!, creado polo Trío Caspervek, no que toca o noso amigo Brais González.
Ofrecéronsenos catro curtametraxes:
- O hotel eléctrico, de Segundo de Chomón.
- Les Kirike, do mesmo autor.
- O gato Félix, de animación.
- O emigrante, de Charles Chaplin.
Os rapaces entenderon perfectamente o argumento das curtas. Incluso descubriron como se poideron gravar os equilibrios imposibles do circo chinés en Les Kirikes (por certo, película de cine mudo coloreada por Segundo de Chomón). Disfrutaron moitísimo coas aventuras do gato Félix. E demostraron que coñecían a Charlot antes, incluso, da proxección da película.
Pero tamén souberon ler a música: espontaneamente xurdiron palmas cando se trataba dunha polca ou unha alegre melodía; mais, sen que ninguén llelo indicara, estas paraban subitamente cando o carácter da mesma cambiaba.
Pero tamén souberon ler a música: espontaneamente xurdiron palmas cando se trataba dunha polca ou unha alegre melodía; mais, sen que ninguén llelo indicara, estas paraban subitamente cando o carácter da mesma cambiaba.
Para rematar, o noso compañeiro Ángel tivo a oportunidade de emular a Charly Chaplin no escenario. E, dita sexa a verdade, non o fixo nada mal, porque, entre nós... Ángel é un cómico!
No hay comentarios:
Publicar un comentario